Colombia Risaralda Finca Milan

哥倫比亞，一個由北到南cup profile唔同嘅國家，南邊大家都好熟啦，近排中間地區嘅比賽好出位。今日我哋就去北邊探索下，去中西部——Risaralda省。

呢度有個莊園叫Finca Milan，蜜瓜西瓜風味咖啡，相信大家都飲過。第一次喺leaderboard見到真係嚇親，最近再深入研究，先知道原來呢啲都係叫「技術」之一。

簡單講吓成個處理過程：

1. **採摘後處理**：
咖啡櫻桃摘落嚟之後，會放入袋度10-12個鐘，等Cherry溫度上升，環境同cherry本身嘅碳水化合物分解成糖。
之後再放入8-10°C嘅水度冷卻，等Cherry處於最佳發酵狀態，然後去除果肉。

2. **發酵階段**：
用膠桶裝住咖啡Cherry,加入酵母同新鮮生果，一齊發酵6-8日。
之後洗乾淨，曬15-20日，直到含水量合理。

3. **氮氣發酵**：
注入氮氣後，每隔3-4個鐘就取樣檢測發酵環境變化：溫度、糖度、酸度、pH值等。如果參數唔達標，就要停止發酵。
每隔20-25個鐘要調整氣壓，保持低溫發酵。如果溫度升高，就調節氮氣壓力降溫。
呢個過程大概持續4-6日。

4. **後續處理**：
最後就係乾燥、入袋等等。

**真正有趣嘅嘢喺下面**：
莊主Andrés提過，佢哋培養咗兩種酵母菌：**Pichia酵母菌**同**Kazachstania酵母菌**。

- **Pichia酵母菌**：
常用於生物技術同食品加工，特別係生產重組蛋白質。因為佢嘅蛋白質組合能力強，所以廣泛用於生物製藥同酶生產。
**喺咖啡入面嘅作用**：
發酵過程中，酶會分解咖啡豆嘅多糖同蛋白質，產生揮發性化合物，影響咖啡嘅風味同香氣。所以飲呢隻咖啡時，會明顯感受到強烈嘅西瓜香氣，唔係亂咁嚟，可能係DSE「化學5**」嘅效果！

- **Kazachstania酵母菌**：
呢隻酵母發酵性能好，可以有效轉化糖分，促進發酵，提高產量。
仲可以抑制有害微生物生長，減少不良風味，提升穩定性。
**結果**：
咖啡嘅風味指向性更明確，甜味亦明顯增強。

**VS氧氣同無氧氣發酵環境**：
- **相比有氧發酵嘅優點**：
✅ 減少氧化風味：氮氣防止氧化，保持咖啡風味同香氣，避免產生不良味道。
✅ 控制微生物生長：氮氣環境可以選擇性促進有益微生物，抑制有害微生物。
✅ 風味更高指向性：氮氣環境下，特定酵母同細菌代謝更活躍，產生更多風味化合物。

- **相比無氧發酵嘅優點**：
✅ 防止不良風味：完全無氧環境可能產生不良化合物，氮氣提供更平衡嘅環境。
✅ 提高發酵效率：氮氣促進微生物代謝，加速發酵。
✅ 更穩定：氮氣環境比完全無氧更易控制，減少風險。

所以話，呢啲技術真係令咖啡風味指向性同強度大大增強，穩定性同一致性都係好強。係呢個結果入邊，就無乜層次感可言嘅

呢隻實驗類型嘅咖啡本身都好多爭議，有人就話infused，定義上。我認為佢叫Co-ferment
Infused應該係講緊添加唔係天然嘅嘢，例如essential oil

學識欣賞下呢啲類型嘅咖啡結果，無話好定唔好
我個人都係傾向傳統處理法，但唔會抗拒探索下新嘢。
尤其學習完就會有種咖啡睇世界嘅感覺

寫呢個Post都係希望大家都可以知道多啲，do your research (˶‾᷄ ⁻̫ ‾᷅˵)
BTW，我地賣唔使$1/g